گورنر سندھ کا مرتضی وہاب کو جواب: لوگوں کی محبت دیکھ کر حسد نہ کریں، خدمت سے دل جیتیں

کراچی ( اباسین خبر)گورنر سندھ کامران ٹیسوری نے میئر کراچی مرتضی وہاب کے بیان پر ردِعمل دیتے ہوئے کہا کہ مخالفت برائے اصلاح کریں اور لوگوں کی محبت دیکھ کر مجھ سے حسد نہ کریں۔ انہوں نے مزید کہا کہ زبانِ خلق کو دیکھ کر حسد کے بجائے خدمت سے ان کا دل جیتنے کی کوشش کریں۔کامران ٹیسوری کا کہنا تھا کہ انہوں نے سحر اور افطار کے دوران خود کو لوگوں کی خدمت کے لیے وقف کر رکھا ہے۔ آج انہوں نے سعودی عرب، ایران، عمان، ترکیہ، ملائیشیا، روس اور بنگلادیش کے قونصل جنرلز کو افطار کرایا۔گورنر سندھ نے کہا کہ وہ روزانہ لوگوں کو پلاٹ، عمرہ ٹکٹ، موٹر سائیکل اور فون دے رہے ہیں، اور یہ کہ مہاجر ہی نہیں، بلکہ سندھی، پنجابی، بلوچ اور پٹھان سب انہیں بھائی اور بیٹا سمجھتے ہیں۔