11
لاہور( سپورٹس ڈیسک)پاکستان سپر لیگ (پی ایس ایل) سیزن 10 کے ری پلیسمنٹ ڈرافٹ میں فرنچائزز نے اپنے اسکواڈز میں نئے کھلاڑیوں کا انتخاب کرلیا۔ پیر کو پی ایس ایل کا ری پلیسمنٹ ڈرافٹ ورچوئل طور پر منعقد ہوا جس میں مختلف فرنچائزز نے اپنے اسکواڈز میں تبدیلیاں کیں۔پشاور زلمی نے جارج لینڈے کو کاربن بوش کی جگہ ڈائمنڈ کیٹیگری میں منتخب کر لیا جبکہ گولڈ کیٹیگری میں ناہید رانا کی جگہ کو ریزرو رکھا گیا۔ اسلام آباد یونائیٹڈ نے الیکس کیری کو جنوبی افریقا کے رسی وین ڈرڈیوسن کی جگہ جزوی طور پر اپنے اسکواڈ میں شامل کیا۔کراچی کنگز نے سلور کیٹیگری میں بنگلادیشی اوپنر لیتن داس اور کین ولیمسن کو منتخب کیا جبکہ کوئٹہ گلیڈی ایٹرز نے مارک چیپمین کی جگہ کو ریزرو رکھا ہے۔ یہ ڈرافٹ پی ایس ایل سیزن 10 کے لیے فرنچائزز کے اسکواڈز کی تشکیل میں اہم قدم ثابت ہوا ہے۔
