8
پشاور( اباسین خبر)وفاقی وزارت داخلہ نے خیبرپختونخوا حکومت سے افغان طلبہ کا ریکارڈ طلب کر لیا ہے۔ وزارت داخلہ کے فارن نیشنل سکیورٹی سیل نے سیکرٹری داخلہ خیبرپختونخوا کو خط لکھا، جس میں صوبے میں زیر تعلیم افغان طلبہ کا ڈیٹا 27 مارچ تک ارسال کرنے کی ہدایت کی گئی ہے۔خط میں کہا گیا ہے کہ فارن نیشنل سکیورٹی سیل غیرملکیوں سے متعلق ڈیش بورڈ کو اپ ڈیٹ کر رہا ہے۔ وزارت داخلہ نے تمام افغان سٹیزن کارڈ ہولڈرز کو 31 مارچ تک پاکستان سے نکلنے کی ہدایت بھی کر رکھی ہے۔ اس کے بعد یکم اپریل سے غیر قانونی طور پر مقیم افراد کو ملک بدر کرنے کی وارننگ دی گئی ہے۔
