6
گوادر( اباسین خبر) بلوچستان کے علاقے گوادر میں ایک اور خونریزی کا واقعہ پیش آیا ہے، جہاں دہشت گردوں کی فائرنگ سے 6 افراد جاں بحق ہوگئے۔ پولیس کے مطابق یہ واقعہ کلمت کے علاقے میں پیش آیا، جہاں دہشت گردوں نے گوادر سے کراچی جانے والی ایک گاڑی پر فائرنگ کی۔پولیس کے مطابق فائرنگ کے نتیجے میں 5 افراد جاں بحق ہوئے جبکہ ایک شخص زخمی ہو گیا۔ زخمی کو اسپتال منتقل کیا گیا، تاہم وہ دوران علاج دم توڑ گیا۔ پولیس نے بتایا کہ جاں بحق ہونے والے ایک شخص کا تعلق ملتان سے ہے، جبکہ دیگر افراد کی شناخت کا عمل جاری ہے۔اس کے علاوہ، تربت میں بھی ایک افسوسناک واقعہ پیش آیا جہاں نامعلوم سمت سے فائر کیا گیا مارٹر گولا ایک گھر پر گرنے سے 6 افراد زخمی ہوگئے ہیں۔
