اسلام آباد(اباسین خبر)پاکستان میں شوال کا چاند دیکھنے کے لیے مرکزی رویت ہلال کمیٹی کا اجلاس آج اسلام آباد میں ہوگا۔اجلاس کی صدارت چیئرمین مرکزی رویت ہلال کمیٹی مولانا عبدالخبیر آذا د کریں گے، جبکہ کراچی، لاہور، کوئٹہ اور پشاور میں زونل کمیٹیوں کے اجلاس بھی منعقد ہوں گے۔ چاند کے بارے میں حتمی فیصلہ چیئرمین رویت ہلال کمیٹی کریں گے۔ریسرچ رویت ہلال کونسل کے مطابق شوال کا چاند گزشتہ روز 3 بج کر 58 منٹ پر تشکیل پایا، اور غروب آفتاب کے وقت چاند کی عمر تقریبا 27 گھنٹے ہوگی۔ اس کے علاوہ آج پاکستان میں شوال کا چاند نظر آنے کا قوی امکان ہے اور انسانی آنکھ سے چاند کا نظارہ کیا جا سکے گا۔دوسری جانب کراچی میں دادی بوہری برادری اور پشاور سمیت خیبرپختونخوا کے افغان مہاجرین نے آج عید الفطر منائی۔ چارسدہ روڈ افغان مہاجر خراسان کیمپ میں افغان مہاجرین نے نماز عید ادا کی جبکہ ضم قبائلی اضلاع میں بھی افغان مہاجرین نے نماز عید ادا کی۔ باجوڑ میں بھی عید الفطر منائی جا رہی ہے۔یاد رہے کہ سعودی عرب اور متحدہ عرب امارات سمیت خلیجی ممالک میں عید الفطر آج مذہبی جوش و خروش سے منائی جا رہی ہے۔
پاکستان میں شوال کا چاند دیکھنے کا امکان، مرکزی رویت ہلال کمیٹی کا اجلاس آج اسلام آباد میں ہوگا
10