خو شخبری ،شمالی وزیرستان میں تیل اور گیس کے نئے ذخائر کی دریافت

پشاور( کامرس ڈیسک)شمالی وزیرستان میں تیل اور گیس کے نئے ذخائر دریافت ہوئے ہیں۔ ماڑی پیٹرولیم نے اس حوالے سے اعلامیہ جاری کیا ہے جس میں بتایا گیا ہے کہ وزیرستان بلاک سے ابتدائی تخمینے کے مطابق یومیہ 2 کروڑ مکعب فٹ گیس حاصل ہو سکے گی۔ اس کے علاوہ نئی دریافت سے یومیہ 122 بیرل خام تیل بھی حاصل ہوگا۔یہ دریافت ماڑی انرجیز کے گزشتہ ماہ کی ایک اور اطلاع کی تکمیل ہے جس میں شمالی وزیرستان میں تیل اور گیس کے ذخائر کی دریافت کا اعلان کیا گیا تھا۔ اس اعلامیے میں یومیہ 2 کروڑ 4 لاکھ مکعب فٹ گیس اور یومیہ 117 بیرل خام تیل حاصل ہونے کا ذکر کیا گیا تھا۔