6
کراچی ( کامرس ڈیسک)پاکستان اسٹاک ایکسچینج میں کاروباری ہفتے کے پہلے روز شدید منفی رجحان دیکھنے کو ملا۔ 100 انڈیکس 3 ہزار 167 پوائنٹس کم ہو کر 1 لاکھ 15 ہزار 623 پر آ گیا۔ بعد ازاں انڈیکس میں مزید 6250 سے زائد پوائنٹس کی کمی ہوئی، جس کے بعد عارضی طور پر کاروبار روک دیا گیا۔ کاروبار دوبارہ شروع ہونے کے بعد بھی مندی کا رجحان برقرار رہا اور 100 انڈیکس 8544 پوائنٹس کمی کے ساتھ 1 لاکھ 10 ہزار 199 پر آ گیا۔ گزشتہ کاروباری ہفتے کے آخری روز انڈیکس 1 لاکھ 18 ہزار 791 پر بند ہوا تھا۔اس کے علاوہ، جاپان کا نکئی انڈیکس 9 فیصد نیچے آیا جبکہ ہانگ کانگ کے ہینگ سینگ میں 8 فیصد کی گراوٹ ہوئی، اور جنوبی کوریا میں مندی کے خدشات کے پیش نظر ٹریڈنگ عارضی طور پر روک دی گئی۔
