جعلی پولیس اہلکاروں کی شارٹ ٹرم کڈنیپنگ میں ملوث 2 ملزمان گرفتار

کراچی ( اباسین خبر)کراچی کے علاقے گلشن بلاک 4 میں پولیس نے کارروائی کرتے ہوئے شارٹ ٹرم کڈنیپنگ میں ملوث 2 جعلی پولیس اہلکاروں کو گرفتار کرلیا۔ پولیس کے مطابق ایک ملزم خود کو پولیس افسر اور دوسرا پولیس اہلکار ظاہر کرتا تھا۔ ملزمان نے سول ایوی ایشن کے ملازم اور پولیس اہلکار کو اغوا کیا تھا۔پولیس نے ملزمان کے قبضے سے 2 پستول، 20 بیگ، پولیس یونیفارم، درجنوں بیجز، جدید ہتھکڑی، 8 موبائل فونز، جعلی بلٹ پروف جیکٹ، کئی گھڑیاں اور جدید ایل سی ڈی برآمد کی ہیں۔ پولیس حکام کا کہنا ہے کہ ملزم بلاول کے خلاف رحیم یار خان اور کراچی میں 5 مقدمات درج ہیں، اور ملزمان سے مزید تفتیش جاری ہے۔