کوئٹہ( اباسین خبر)بلوچستان میں دہشت گردوں کیخلاف سکیورٹی فورسز کے آپریشنز کو مزید وسعت دینے پر اتفاق کیا گیا ہے۔ وزیر اعلی بلوچستان سرفراز بگٹی کی زیر صدارت اہم اجلاس ہوا جس میں چیف سیکرٹری بلوچستان، ایڈیشنل چیف سیکرٹری داخلہ، آئی جی پولیس اور دیگر اعلی حکام شریک ہوئے۔ اجلاس میں صوبے کی مجموعی صورتحال پر تفصیلی بریفنگ دی گئی۔اجلاس میں عید سکیورٹی پلان، قومی شاہراہوں اور امن و امان کی مجموعی صورتحال پر تبادلہ خیال کیا گیا۔ اس دوران قلات میں سکیورٹی فورسز کے کامیاب آپریشن کو سراہا گیا۔اجلاس میں بلوچستان میں دہشت گردوں کیخلاف آپریشنز کو مزید وسعت دینے پر اتفاق کیا گیا اور سول آرمڈ فورسز کی استعداد کار کو بہتر بنانے کے لیے اہم فیصلے کیے گئے۔ وزیر اعلی سرفراز بگٹی نے حکام کو امن کی بحالی کے اقدامات کو موثر بنانے کی ہدایت کی اور سکیورٹی اداروں کے درمیان رابطہ کاری کو مزید مضبوط کرنے کی تاکید کی۔
بلوچستان میں دہشت گردوں کیخلاف آپریشنز مزید وسیع کرنے کا فیصلہ
9
