سیاسی شخصیات کی عید الفطر کے نماز کے مقامات کی تفصیلات سامنے آ گئیں

اسلام آباد( اباسین خبر)صدر مملکت آصف علی زرداری اور وزیراعظم شہباز شریف سمیت اہم سیاسی شخصیات نے عید الفطر کی نماز کہاں ادا کرنے کا فیصلہ کیا ہے؟ تفصیلات سامنے آ گئیں۔صدر مملکت آصف علی زرداری نواب شاہ میں، وزیراعظم شہباز شریف ماڈل ٹائون لاہور میں، اور نواز شریف جاتی امرا میں نماز عید پڑھیں گے۔ چیئرمین پیپلز پارٹی بلاول بھٹو زرداری لاڑکانہ گڑھی خدا بخش میں نماز عید ادا کریں گے۔ چیئرمین سینیٹ یوسف رضا گیلانی ملتان، سپیکر قومی اسمبلی سردار ایاز صادق لاہور، اور ڈپٹی سپیکر قومی اسمبلی سید غلام مصطفی شاہ نواب شاہ میں نماز ادا کریں گے۔وزیراعلی پنجاب مریم نواز جاتی امرا، وزیراعلی سندھ مراد علی شاہ سیہون، وزیراعلی خیبرپختونخوا علی امین گنڈاپور ڈی آئی خان اور وزیراعلی بلوچستان سرفراز بگٹی کوئٹہ میں نماز عید ادا کریں گے۔وفاقی وزرا محسن نقوی لاہور، خواجہ آصف سیالکوٹ اور اسحاق ڈار لاہور میں نماز عید پڑھیں گے، جبکہ مولانا فضل الرحمان ڈی آئی خان میں نماز عید ادا کریں گے۔دیگر اہم شخصیات میں پی ٹی آئی کے بیرسٹر گوہر خان بونیر، اپوزیشن لیڈر عمر ایوب ہری پور اور پرویز خٹک نوشہرہ میں نماز عید ادا کریں گے، جبکہ ایم کیو ایم کے ڈاکٹر خالد مقبول صدیقی کراچی اور سابق چیئرمین سینیٹ صادق سنجرانی چاغی میں نماز عید پڑھیں گے۔گورنرز اور سپیکرز بھی مختلف شہروں میں نماز عید ادا کریں گے، جن میں گورنر پنجاب سردار سلیم حیدر گوجر خان، گورنر سندھ کامران ٹیسوری کراچی، گورنر خیبرپختونخوا فیصل کریم کنڈی پشاور اور گورنر بلوچستان جمال جعفر مندوخیل کوئٹہ میں عید کی نماز ادا کریں گے۔سابق وزرائے اعلی بھی اپنے اپنے علاقوں میں عید منائیں گے، جن میں اختر مینگل وڈھ، نواب اسلم رئیسانی مستونگ اور نواب ثنااللہ زہری خضدار میں نماز عید ادا کریں گے۔