حرا مانی نے عید بو لڈ پہن کر اسلامی معاشرتی اقدار کو مجروح کیا ہے: مداحوں کی شدید تقید

کراچی ( شوبزڈیسک)مشہور پاکستانی اداکارہ اور ٹیلی ویژن ہوسٹ حرا مانی نے حالیہ دنوں میں اپنے عید کے بولڈ لباس کی وجہ سے سوشل میڈیا پر خاصی تنقید کا سامنا کیا ہے۔ حرا مانی، جو مقبول ڈراموں “دو بول”، “کشف”، “سن یارا” اور “میرے پاس تم ہو” میں اپنی جاندار اداکاری کے باعث شہرت حاصل کر چکی ہیں، نے عید کے موقع پر ایسی ساڑھیاں زیب تن کیں جن میں ان کا جسم نمایاں طور پر ظاہر ہو رہا تھا۔جیسے ہی ان کی تصاویر سوشل میڈیا پر پوسٹ ہوئیں، مداحوں نے ان پر سخت تنقید کرنا شروع کر دی۔ ناقدین کا کہنا ہے کہ حرا مانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ہے۔ ایک صارف نے تبصرہ کیا کہ حرا مانی دن بدن بولڈ ہوتی جا رہی ہیں، جبکہ دوسرے نے کہا کہ یہ اداکارائیں پیسہ اور کام حاصل کرنے کے لیے ایسے لباس پہنتی ہیں۔کچھ لوگوں نے ان کے شوہر اور بچوں کو بھی تنقید کا نشانہ بنایا اور سوال کیا کہ وہ کس طرح اپنی والدہ کو ایسے لباس پہننے کی اجازت دے سکتے ہیں۔ ایک صارف نے تو یہاں تک کہا کہ نہ چہرے میں کوئی کشش ہے اور نہ ہی کپڑوں میں، جدید اور بولڈ لباس پہن کر بھی خوبصورتی نظر نہیں آتی۔مزید برآں، ایک صارف نے رمضان کے دوران حرا مانی کے آنسوں کو یاد کرتے ہوئے طنز کیا کہ یہ وہی ہیں جو رمضان میں روتی نظر آتی تھیں۔