7
لاہور( اباسین خبر)وزیراعلی پنجاب مریم نواز شریف نے چاند رات اور عیدالفطر پر فول پروف سکیورٹی انتظامات کا حکم دے دیا۔مریم نواز شریف نے چاند رات کے دوران بازاروں میں ویمن پولیس سکواڈ کے گشت کو بڑھانے کی ہدایت کی اور خواتین اور بچوں کے تحفظ کو ہر صورت یقینی بنانے کا حکم دیا۔وزیراعلی کی ہدایت پر لاہور کے 65 تجارتی مراکز پر اضافی نفری تعینات کی گئی ہے، اور بازاروں اور مارکیٹوں میں نگرانی کے لیے ڈرون کیمروں اور نائٹ ویژن دوربین کا استعمال کیا جا رہا ہے۔ سماج دشمن عناصر کی آمدورفت کی کڑی مانیٹرنگ کی ہدایت بھی جاری کی گئی ہے۔چاند رات کو روڈز پر ون ویلنگ کی روک تھام کے لیے 55 مقامات پر ناکہ بندی کر کے پولیس تعینات کی گئی ہے۔ اس کے علاوہ اے ٹی ایم اور بینکوں کے اطراف میں 225 مقامات پر پولیس اہلکاروں کی ڈیوٹی لگا دی گئی ہے۔
