صدرِ مملکت آصف علی زرداری کا علاج جاری، طبیعت میں بہتر ی آ نے کی خبریں آ گئیں

کراچی ( اباسین خبر)صدرِ مملکت آصف علی زرداری کا علاج کراچی کے نجی اسپتال میں جاری ہے۔ ان کے معالج ڈاکٹر عاصم حسین نے کہا کہ صدر کی طبیعت بتدریج بہتر ہو رہی ہے، تاہم ان سے ملاقاتوں پر پابندی برقرار ہے۔ڈاکٹر عاصم حسین نے مزید کہا کہ صدر کے اہلخانہ کو علاج سے متعلق مکمل آگاہی فراہم کی جارہی ہے، اور وہ مسلسل ڈاکٹرز کے ساتھ رابطے میں ہیں۔واضح رہے کہ یکم اپریل کو صدر زرداری کی طبیعت خراب ہونے پر انہیں نواب شاہ سے کراچی منتقل کر کے اسپتال داخل کرایا گیا تھا، جہاں بعد ازاں ان کا کورونا ٹیسٹ مثبت آیا۔ ڈاکٹر عاصم حسین آج میڈیا کو صدر کی صحت کے بارے میں مزید آگاہ کریں گے۔