9
لاہور( سپورٹس ڈیسک)پاکستان کرکٹ بورڈ (پی سی بی) نے اعلان کیا ہے کہ پاکستان سپر لیگ (پی ایس ایل) ایڈیشن 10 کے میچز کے ٹکٹوں کی فروخت آج سے شروع ہو گی۔ پی سی بی کے مطابق، آن لائن ٹکٹیں سہ پہر 3 بجے سے دستیاب ہوں گی جبکہ فزیکل ٹکٹوں کی فروخت 7 اپریل سے نجی کوریئر سینٹرز پر شروع ہو جائے گی۔آن لائن بک کی گئی ٹکٹیں نجی کوریئر کے مقرر کردہ پک اپ مراکز سے حاصل کی جا سکیں گی۔ پی ایس ایل کے میچز پاکستان کے چار شہروں راولپنڈی، کراچی، لاہور اور ملتان میں کھیلے جائیں گے۔پی ایس ایل کا فائنل 18 مئی کو لاہور کے قذافی سٹیڈیم میں کھیلا جائے گا۔ پی ایس ایل کے تمام وینیوز کے لیے عام ٹکٹ کی قیمت 650 روپے رکھی گئی ہے۔راولپنڈی کرکٹ سٹیڈیم میں اسلام آباد یونائیٹڈ اور لاہور قلندرز کے درمیان افتتاحی میچ کے ٹکٹ 1000 روپے سے 8500 روپے تک میں دستیاب ہوں گے۔
