برنارڈ ستارے کے مدار میں چار سیاروں کی موجودگی کی تصدیق

نیویارک ( مانیٹرنگ ڈیسک)سائنسدانوں نے سورج کے قریب ترین ستارے، برنارڈ ستارے، کے مدار میں موجود چار سیاروں کی موجودگی کی تصدیق کی ہے۔ یہ سرخ بونا ستارہ زمین سے تقریبا چھ نوری سال کی دوری پر واقع ہے، اور اس کے مدار میں موجود سیارے مریخ کی کمیت سے دو سے تین گنا زیادہ ہیں۔شکاگو یونیورسٹی کے ماہر فلکیات، ریتوک بسنت نے کہا کہ برنارڈ ستارے کے سگنلز کی تلاش کی ایک طویل تاریخ رہی ہے، لیکن ان میں سے کسی کی بھی تصدیق نہیں ہو سکی تھی۔ ان کا کہنا تھا کہ یہ جاننا بہت دلچسپ ہے کہ قریب ترین ستاروں کے گرد کیا گردش کر رہا ہے۔2021 سے 2023 تک، ریتوک اور ان کے ساتھیوں نے ہوائی میں جیمنی نارتھ دوربین کا استعمال کرتے ہوئے 112 بار برنارڈ ستارے کا مشاہدہ کیا۔ ریتوک نے بتایا کہ ابتدائی طور پر انہوں نے ڈیٹا سیٹ میں سگنل دیکھے لیکن آلہ کی کیلیبریشن کے دوران انہیں نظر انداز کر دیا تھا۔پھر، گزشتہ اکتوبر میں، چلی میں ایک ٹیلی سکوپ پر ESPRESSO سپیکٹروگراف کا استعمال کرتے ہوئے ایک ٹیم نے برنارڈ ستارے کے گرد ایک سیارے کے گردش کرنے کے شواہد دریافت کیے۔ اس سیارے کو “b” کا نام دیا گیا اور تین دیگر سیاروں کے اشارے بھی ملے۔ ان اشاروں کی بنیاد پر ریتوک اور ان کی ٹیم نے اپنے ڈیٹا کا دوبارہ جائزہ لیا اور تین مزید سیاروں کی تصدیق کی۔