انسداد دہشت گردی عدالت نے پی ٹی آئی رہنمائوں کی ضمانتوں میں 5 مئی تک توسیع کر دی

اسلام آباد( اباسین خبر)اسلام آباد کی انسداد دہشت گردی عدالت نے 26 نومبر احتجاج کیسز میں پی ٹی آئی کے متعدد رہنمائوں کی ضمانتوں میں 5 مئی تک توسیع کر دی۔ عدالت میں پی ٹی آئی رہنمائوں کی درخواست ضمانت قبل از گرفتاری پر سماعت ہوئی، جس میں شہریار آفریدی، شیر افضل مروت، عبدالقیوم نیازی، رف حسن، مشعال یوسفزئی، نادیہ خٹک، اور فلک ناز چترالی نے عدالت میں پیش ہو کر ضمانتوں میں توسیع کی درخواست کی۔عدالت نے شعیب شاہین، علی بخاری، عمیر نیازی، تیمور جھگڑا، علی زمان، عبدالطیف سمیت دیگر کی ضمانتوں میں بھی توسیع کر دی۔ اس موقع پر پی ٹی آئی رہنمائوں زرتاج گل، عالیہ حمزہ، اور کنول شوزب نے حاضری سے استثنی کی درخواستیں دائر کیں۔عدالت نے کہا کہ ضمانت کی تمام درخواستیں اکٹھا سنی جائیں گی اور اس کے بعد سماعت 5 مئی تک ملتوی کر دی۔ 26 نومبر کے احتجاج پر پی ٹی آئی رہنمائوں کے خلاف تھانہ رمنا، سیکرٹریٹ، ترنول اور کوہسار میں مقدمات درج ہیں۔