سائنسدانوں نے شفاف سولر سیلز کے ذریعے نیا ورلڈ ریکارڈ قائم کر لیا

نیو یارک ( مانیٹرنگ ڈیسک)سائنس دانوں کی ایک بین الاقوامی ٹیم نے شفاف سولر سیلز کا استعمال کرتے ہوئے سورج کی روشنی کو بجلی میں تبدیل کرنے کا نیا ورلڈ ریکارڈ قائم کیا ہے۔ یہ کامیابی سٹی سولر پروجیکٹ پر کام کرنے والے محققین کو حاصل ہوئی، جو قابلِ تجدید توانائی کے شعبے میں ایک نیا سنگ میل ہے۔اس جدید تحقیق میں سائنسدانوں نے آرگینک سولر سیلز کو پیرووسکائٹ کے ساتھ ملا کر 12.3 فیصد تک سورج کی روشنی کو بجلی میں تبدیل کرنے میں کامیابی حاصل کی، جو کمرشل سولر سیلز کی کارکردگی کے قریب ہے۔سٹی سولر پروجیکٹ اپنی نوعیت کا پہلا منصوبہ ہے جس کا مقصد شفاف سولر سیلز کی شفافیت اور کارکردگی کے درمیان توازن کو حل کرنا ہے۔ اس کامیابی کے بعد، کھڑکیاں سولر پینلز میں تبدیل ہو کر پوری عمارت کو ایک پاور اسٹیشن میں بدلنے کی صلاحیت رکھیں گی، جو قابلِ تجدید توانائی کے شعبے میں ایک اہم پیش رفت ہے۔