پشاور ہائیکورٹ کا خیبر محکمہ صحت کا ٹینڈر کالعدم قرار، مخصوص کمپنی کو فائدہ پہنچانے کی کوشش قرار

پشاور( اباسین خبر) پشاور ہائیکورٹ نے خیبر پختونخوا محکمہ صحت کا کروڑوں روپے مالیت کا ٹینڈر کالعدم قرار دے دیا اور اسے مخصوص کمپنی کو فائدہ پہنچانے کی منظم کوشش قرار دیا۔ عدالت نے حکم جاری کیا کہ ٹینڈر کی شرائط سے اہم شق جان بوجھ کر حذف کی گئی تھی۔کیس کی سماعت کے دوران وکیل درخواست گزار شمائل احمد بٹ نے عدالت کو بتایا کہ فرنٹیئر ڈیکسٹوز لمیٹڈ کو جعلی اور غیر معیاری ادویات فراہم کرنے پر بلیک لسٹ کیا گیا تھا۔ انہوں نے کہا کہ بلیک لسٹ کمپنی کو سرکاری ہسپتالوں میں ادویات فراہم کرنا انسانی جانوں سے کھیلنے کے مترادف ہے۔عدالت نے محکمہ صحت کے ٹینڈر کو غیر شفاف اور امتیازی قرار دیتے ہوئے فوری طور پر منسوخ کرنے کی ہدایت کی اور ادویات کی خریداری کا عمل از سر نو شروع کرنے کا حکم دیا۔ حکم میں کہا گیا کہ عوامی فنڈز سے خریداری میں شفافیت اور منصفانہ مقابلہ کو یقینی بنایا جائے۔