8
کراچی ( اباسین خبر)کراچی کے علاقے کورنگی کریک میں گڑھے میں لگی آگ ساتویں روز بھی نہ بجھ سکی۔ پولیس کے مطابق متاثرہ علاقے کو مکمل طور پر بند کر دیا گیا ہے تاکہ کسی قسم کے حادثات سے بچا جا سکے۔ ہنگامی صورتحال سے نمٹنے کے لیے کراچی میٹروپولیٹن کارپوریشن (کے ایم سی) کے فائر ٹینڈرز موقع پر موجود ہیں، تاہم آگ کی شدت کے باعث مشکلات کا سامنا ہے۔یہ آگ 1200 فٹ گہری بورنگ کی کھدائی کے دوران لگی تھی، جس کے بعد اسے بجھانے کی کوششیں جاری ہیں، مگر ابھی تک اس پر مکمل قابو نہیں پایا جا سکا۔
