سیئول( مانیٹرنگ ڈیسک) جنوبی کوریا کے سائنسدانوں نے ایک نئی نیوکلیئر بیٹری کا خیال پیش کیا ہے جو ڈیوائسز کو ری چارجنگ کیے بغیر صدیوں تک توانائی فراہم کر سکتی ہے۔ یہ ٹیکنالوجی لیتھیئم بیٹریوں کی جگہ لینے کا ارادہ رکھتی ہے جو وقت کے ساتھ خراب ہوجاتی ہیں اور بار بار ری چارجنگ کی ضرورت ہوتی ہے۔ڈائیگو گائیونگبک انسٹیٹیوٹ آف سائنس اینڈ ٹیکنالوجی کے سائنسدانوں نے بیٹا وولٹائکس کے اصول پر مبنی بیٹری تیار کی ہے، جس میں بِیٹا تابکاری کی توانائی کو بجلی میں تبدیل کیا جاتا ہے۔ اس مقصد کے لیے ریڈیو کاربن (کاربن-14) کا استعمال کیا گیا ہے، جو بِیٹا ذرات خارج کرتا ہے اور طویل عرصے تک فعال رہنے کی صلاحیت رکھتا ہے۔اس ٹیکنالوجی کے ذریعے بیٹری کی لائف کئی سو برس تک بڑھائی جا سکتی ہے، اور یہ ماحول دوست، کم قیمت اور دوبارہ استعمال ہونے والی ہے، جس سے اسے ایک مثر متبادل کے طور پر دیکھا جا رہا ہے۔
جنوبی کوریا کے سائنسدانوں کی نیوکلیئر بیٹری کی پیشکش، صدیوں تک توانائی فراہم کرنے کی صلاحیت
8
