چوہدری شجاعت ایک بار پھر صدر، ق لیگ کے تمام عہدے دار بلامقابلہ منتخب

لاہور( اباسین خبر)پاکستان مسلم لیگ (ق) کے انٹرا پارٹی انتخابات مکمل ہو گئے ہیں، جن میں سابق وزیراعظم چوہدری شجاعت حسین ایک بار پھر بلامقابلہ پارٹی کے صدر منتخب ہو گئے۔اسلام آباد سے جاری پارٹی اعلامیے کے مطابق طارق حسن کو مسلم لیگ (ق) کا بلامقابلہ سیکریٹری جنرل جبکہ چوہدری سالک حسین کو سینئر نائب صدر منتخب کیا گیا ہے۔انٹرا پارٹی انتخابات میں چوہدری شافع حسین کو پنجاب کا جنرل سیکریٹری منتخب کیا گیا، جبکہ ڈاکٹر محمد امجد کو پارٹی کا چیف آرگنائزر مقرر کیا گیا ہے۔اس کے ساتھ ساتھ غلام مصطفی ملک کو ق لیگ کا مرکزی سیکریٹری اطلاعات بنا دیا گیا ہے۔پارٹی اعلامیے میں کہا گیا ہے کہ تمام انتخابات جماعتی آئین کے تحت اور متفقہ طور پر انجام دیے گئے۔