ہر دوسرے دن روزہ رکھنے سے وزن تیزی سے کم ہوتا ہے، کیلوریز کم کرنے سے بہتر نتائج:نیا کلینیکل ٹرائل

کراچی (ہیلتھ ڈیسک)ایک نئے کلینیکل ٹرائل میں پتہ چلا ہے کہ ہر دوسرے دن روزہ رکھنے سے وزن کم کرنے میں کیلوریز کم کرنے کے مقابلے میں زیادہ تیزی آتی ہے۔ اینالز آف انٹرنل میڈیسن میں رپورٹ کی گئی تحقیق کے مطابق، جن لوگوں نے وقفے وقفے سے روزہ رکھا، انہوں نے ایک سال کے اندر اپنے جسمانی وزن کا 8 فیصد کم کیا، جبکہ جنہوں نے روزانہ اپنی کیلوریز میں تقریبا ایک تہائی کمی کی، ان کا وزن صرف 5 فیصد کم ہوا۔وقفے وقفے سے روزہ رکھنے والے افراد ہفتے میں تین دن اپنی کیلوریز کی مقدار کو 80 فیصد تک محدود کرتے ہیں، جس کے باعث وزن کم کرنے میں بہتر نتائج دیکھنے کو ملے۔ یونیورسٹی آف ٹینیسی ناکس وِل کے اسسٹنٹ پروفیسر ڈینیئل اوسٹینڈوف کی قیادت میں کی جانے والی تحقیق نے یہ ثابت کیا کہ روزانہ کیلوریز کی پابندی طویل مدتی طور پر چیلنج ہو سکتی ہے، جبکہ روزہ رکھنا ایک مثر متبادل حکمت عملی ثابت ہو سکتا ہے، جو کیلوریز کی پابندی کے مقابلے میں زیادہ بہتر نتائج دیتا ہے۔