ماں کی صحت اور طرز زندگی بچوں میں مٹاپے کے خطرات بڑھا سکتے ہیں:نئی تحقیق میں انکشاف

لندن ( ہیلتھ ڈیسک)ایک نئی تحقیق میں کہا گیا ہے کہ ماں کی صحت اور طرز زندگی کے انتخاب اس کے بچوں میں بالغ ہونے پر مٹاپے کے خطرے کا سبب بن سکتے ہیں۔ محققین نے پی ایل اوز میں رپورٹ کیا کہ اگر خاتون مٹاپے کا شکار ہو تو اس کے بچے میں بلوغت میں مٹاپے کا امکان تین سے چار گنا زیادہ ہوتا ہے۔مزید یہ کہ ماں کی سگریٹ نوشی سے بچوں میں مٹاپے کا خطرہ 60 فیصد سے 80 فیصد تک بڑھ جاتا ہے۔ ایڈنبرا یونیورسٹی کی تحقیقاتی ٹیم کی سربراہی میں کی جانے والی اس تحقیق کے مطابق، ماں کے اثرات 42 سال تک بچے کی صحت پر اثرانداز ہو سکتے ہیں۔محققین نے تقریبا 11,500 بچوں کے ڈیٹا کا تجزیہ کیا جو برطانوی مطالعے کا حصہ تھے اور ان کے نتائج نے مٹاپے کی وبا کے آغاز سے پہلے ہی ان اثرات کی اہمیت کو اجاگر کیا۔