وہاڑی میں پاک فضائیہ کا طیارہ گر کر تباہ، بڑا سانحہ ٹل گیا

وہاڑی( اباسین خبر) نواحی علاقے رتہ ٹبہ میں پاک فضائیہ کا تربیتی طیارہ فنی خرابی کے باعث گر کر تباہ ہو گیا۔ طیارے میں سوار دونوں پائلٹس نے بروقت پیراشوٹ کے ذریعے ایجیکٹ ہو کر جان بچا لی۔حادثے میں پائلٹس معمولی زخمی ہوئے، جبکہ خوش قسمتی سے جانی یا مالی نقصان نہیں ہوا۔ طیارہ آئل ڈپو کے قریب گرا، جس سے علاقہ مکینوں میں خوف و ہراس پھیل گیا۔واقعے کی اطلاع ملتے ہی ریسکیو ٹیمیں، مقامی انتظامیہ اور سیکیورٹی فورسز موقع پر پہنچ گئیں اور علاقے کو گھیرے میں لے لیا۔پاک فوج کے ترجمان نے واقعے کی تصدیق کرتے ہوئے کہا ہے کہ حادثے کی ابتدائی وجہ فنی خرابی ہے اور مکمل تحقیقات کا آغاز کر دیا گیا ہے۔