امن و امان کی صورتحال کے پیش نظر اقدامات،جنوبی وزیرستان میں کرفیو نافذ

پشاور( اباسین خبر)خیبر پختونخوا کے جنوبی وزیرستان کے مختلف علاقوں میں کرفیو نافذ کر دیا گیا۔ ڈی سی جنوبی وزیرستان کے مطابق عزیز آباد، سرویکئی، جنڈولہ، اسمان منزہ، مکین، لدھا، مولے خان سرائے، بی بی بی رغزئی، بروند اور سراروغہ میں کرفیو کا نفاذ کیا گیا ہے۔انتظامیہ کی جانب سے نوٹیفکیشن جاری کر دیا گیا ہے، جو امن و امان کی موجودہ صورتحال کو مدنظر رکھتے ہوئے نافذ کیا گیا۔ ضلعی حکام نے عوام سے درخواست کی ہے کہ وہ متبادل راستوں کا انتخاب کریں اور غیر ضروری سفر سے گریز کریں۔