7
لاہور( اباسین خبر)سابق وزیرِ اعلی پنجاب حمزہ شہباز نے کہا ہے کہ بجلی کی قیمتوں میں کمی کا سب سے بڑا فائدہ عام عوام کو ہوا ہے۔ مسلم لیگ ن کے نائب صدر حمزہ شہباز نے اپنے بیان میں کہا کہ وزیرِاعظم شہباز شریف، نواز شریف اور ن لیگ کا ایک اور وعدہ تکمیل کی طرف بڑھ رہا ہے، جس سے معیشت کی بحالی اور عوام کو ریلیف کی فراہمی کی امید کی کرن روشن ہو رہی ہے۔حمزہ شہباز نے مزید کہا کہ بجلی کی قیمتوں میں 7 روپے سے زائد کی کمی زراعت، صنعت اور تجارت کے لیے خوش آئند ہے۔ انہوں نے کہا کہ ملکی ترقی کا سفر شروع ہو چکا ہے، جو صرف نیک نیتی، محنت اور قابلیت کی بدولت ممکن ہوا ہے۔
