ممبئی ( شوبز ڈیسک)بالی ووڈ کے سپر اسٹار اداکار رنبیر کپور نے اپنے دوسرے بچے کی آمد کے حوالے سے عندیہ دے دیا ہے۔رنبیر کپور نے حال ہی میں بھارتی میڈیا “میشیبل” کو ایک انٹرویو دیا، جس دوران ان سے نئے ٹیٹو بنوانے کے بارے میں سوال کیا گیا۔ انہوں نے بتایا کہ ان کی گردن پر پہلے ہی ان کی بیٹی راہا کا نام لکھا ہوا ہے اور اب وہ ایک اور ٹیٹو بنوانے کا ارادہ رکھتے ہیں۔اداکار نے مزید کہا کہ راہا کے بعد انہوں نے کوئی نیا ٹیٹو نہیں بنوایا، لیکن وہ امید کرتے ہیں کہ جلد ہی نیا ٹیٹو بنوائیں گے۔ ان کا کہنا تھا کہ انہیں نہیں معلوم کہ یہ ٹیٹو کیا ہوگا، شاید وہ اپنے دوسرے بچے کا نام بنوائیں۔رنبیر کپور کے اس بیان نے مداحوں کی توجہ کو اپنی جانب کھینچ لیا اور بھارتی میڈیا میں قیاس آرائیاں شروع ہوگئیں کہ رنبیر کپور اور عالیہ بھٹ اپنی دوسری اولاد کے بارے میں سوچ رہے ہیں۔اس سے پہلے، عالیہ بھٹ نے ایک انٹرویو میں کہا تھا کہ جب وہ اور رنبیر اپنے پہلے بچے کے لیے نام تلاش کر رہے تھے تو وہ گھر کے فیملی گروپ میں سب سے مشورے لے رہے تھے۔ عالیہ نے یہ بھی کہا تھا کہ وہ ایک لڑکے کا نام پسند کرتے تھے، لیکن وہ ابھی وہ نام ظاہر نہیں کریں گی۔واضح رہے کہ رنبیر کپور اور عالیہ بھٹ کی جوڑی نے اپریل 2022 میں شادی کی تھی اور اسی سال ان کی بیٹی راہا کی پیدائش ہوئی تھی۔
بھارتی میڈیا میں قیاس آرائیاں شروع، رنبیر کپور نے اپنے دوسرے بچے کی آمد کا عندیہ دے دیا
10
