اینٹی بائیوٹک کی کم خوراک جِلد کی نایاب کیفیت میں بالوں کی کمی کو کم کر سکتی ہے:تحقیق

نیو یارک ( ہیلتھ ڈیسک)ایک نئی تحقیق میں بتایا گیا ہے کہ ایک عام اینٹی بائیوٹک ڈوکسی سائکلین کی کم خوراک جِلد کی ایک نایاب کیفیت، لمفوسائٹک اسکارنگ ایلوپیشا، کی وجہ سے ہونے والے بالوں کے گرنے میں کمی لا سکتی ہے۔ڈوکسی سائکلین کا استعمال عام طور پر اس بیماری کے علاج کے لیے کیا جاتا ہے، جس میں جسم کے مدافعتی خلیے بالوں کے غدود کو نشانہ بناتے ہیں۔ جرنل آف دی امیریکن اکیڈمی آف ڈرماٹولوجی میں شائع ہونے والی تحقیق میں یہ بات سامنے آئی کہ بالوں کے گرنے اور اسکارنگ کے علاج کے لیے ڈوکسی سائکلین کی زیادہ خوراکوں کی ضرورت نہیں۔محققین کا کہنا تھا کہ اس کا مطلب یہ ہے کہ ہلکی خوراکیں مریضوں کے لیے مثر علاج فراہم کر سکتی ہیں، اور یہ علاج متلی، قے اور خارش جیسے ضمنی اثرات کے بغیر ہو سکتا ہے۔ تاہم، بھاری خوراکیں ان ضمنی اثرات کا سبب بن سکتی ہیں۔