رمضان کے آخری عشرے میں عید خریداری کی دھوم، بازاروں میں رش بڑھ گیا

لاہور( اباسین خبر)رمضان کے آخری عشرے کے آغاز کے ساتھ ہی عید کی خریداری میں تیزی آ گئی۔ خواتین اور مردوں کی عید کی تیاریاں آخری مراحل میں داخل ہو چکی ہیں، اور پشاوری و بلوچی چپل مردوں کی اولین پسند بن گئی ہیں۔پشاور کی مارکیٹوں میں 1500 روپے سے لے کر 15 ہزار روپے تک کی چپل دستیاب ہیں۔ ملک بھر کے بازاروں میں مرد و خواتین اپنی پسند کی چیزیں خریدنے کے لیے باہر نکل آئے ہیں، جس کے باعث بازاروں میں رش بڑھ گیا ہے۔ بچوں نے بھی عید کے لیے اپنی پسند کی خریداری کی اور بازاروں کی رونق میں اضافہ کر دیا ہے۔