عینا آصف کی جعلی سگریٹ پینے کی ویڈیو وائرل، مصنوعی ذہانت کے غلط استعمال کا شکار

کراچی ( شوبز ڈیسک)مصنوعی ذہانت نے جہاں لوگوں کے لیے آسانیاں پیدا کی ہیں، وہیں یہ کئی افراد کے لیے مشکلات اور اذیت کا سبب بھی بن رہی ہے۔ پاکستان میں انٹرنیٹ خواندگی کی کمی کی وجہ سے بیشتر لوگ اصل اور جعلی ویڈیوز میں فرق نہیں کر پاتے، جس کا فائدہ اٹھا کر جعلی ویڈیوز بنانے کا رجحان تیزی سے بڑھ رہا ہے۔حالیہ دنوں میں کئی مشہور شخصیات کو مصنوعی ذہانت سے بنائی گئی جعلی ویڈیوز کے ذریعے نشانہ بنایا گیا ہے، اور اب اس کی زد میں کم عمر اداکارہ عینا آصف بھی آگئی ہیں۔ سوشل میڈیا پر ان کی ایک ویڈیو وائرل ہو رہی ہے جس میں انہیں سگریٹ پیتے ہوئے دکھایا گیا ہے۔ویڈیو سامنے آتے ہی صارفین کے درمیان بحث چھڑ گئی؛ کچھ نے اسے حقیقی سمجھا اور اداکارہ پر تنقید کی، جبکہ کچھ نے اسے جعلی اور ایڈٹ شدہ قرار دیا۔ یہ واقعہ اس بات کی نشاندہی کرتا ہے کہ مصنوعی ذہانت کے غلط استعمال سے نہ صرف مشہور شخصیات بلکہ عام لوگ بھی متاثر ہو سکتے ہیں۔انٹرنیٹ صارفین کو چاہیے کہ وہ کسی بھی وائرل ویڈیو کو شیئر یا اس پر تبصرہ کرنے سے پہلے اس کی حقیقت کو جانچ لیں تاکہ غلط معلومات کے پھیلا کو روکا جا سکے۔