میانمار میں زلزلے سے ہلاکتوں کی تعداد 3 ہزار 85 ہو گئی، 341 افراد لاپتہ

میانمار( مانیٹرنگ ڈیسک)میانمار میں آئے خوفناک زلزلے سے ہلاکتوں کی تعداد میں مسلسل اضافہ ہو رہا ہے۔ میانمار فوج کے ترجمان کے مطابق، زلزلے سے اموات کی تعداد 3 ہزار 85 تک پہنچ چکی ہے۔ اس قدرتی آفت میں 4 ہزار 715 افراد زخمی ہوئے ہیں جبکہ 341 افراد اب بھی لاپتہ ہیں۔متاثرہ علاقوں میں ریسکیو آپریشن اور زخمیوں کا علاج جاری ہے۔ یہ زلزلہ 6 دن قبل 7.7 شدت کے ساتھ آیا تھا، جس نے فلک بوس عمارتوں کو زمین بوس کر دیا تھا۔