کشیدگی میں اضافے کا خدشہ،پینٹاگون کا مشرق وسطی میں طیارہ بردار بحری بیڑوں کی تعداد بڑھانے کا فیصلہ

وا شنگٹن ( مانیٹرنگ ڈیسک)یمن میں امریکی حملے اور ایران کے ساتھ بڑھتی ہوئی کشیدگی کے پس منظر میں پینٹاگون نے مشرق وسطی میں تعینات طیارہ بردار بحری بیڑے کی تعداد بڑھا کر دو کرنے کا اعلان کیا ہے۔پینٹاگون نے اپنے جاری کردہ بیان میں کہا کہ ایک بحری بیڑا پہلے سے مشرق وسطی میں موجود ہے۔ امریکی حکام نے یہ بھی بتایا کہ کم از کم چار بی ٹو بمبار طیارے بحرہند کے جزیرے ڈیاگو گارسیا میں امریکی-برطانوی فوجی اڈے پر پہنچا دیے گئے ہیں۔ماہرین کا کہنا ہے کہ امریکی بمبار طیارے یمن یا ایران تک پہنچنے کے لیے کافی قریب ہیں، جو کشیدگی میں مزید اضافے کا باعث بن سکتا ہے۔