آئی سی سی ورلڈ کپ،محسن نقوی پاکستان ویمن کرکٹ ٹیم کی کامیابی کیلئے پرامید

لاہور( سپورٹس ڈیسک)چیئرمین پاکستان کرکٹ بورڈ محسن نقوی کا کہنا ہے کہ میدان میں ٹیم ورک کا مظاہرہ کرنے والے کھلاڑی کبھی ناکام نہیں ہوتے۔ لاہور میں محسن نقوی نے آئی سی سی ورلڈ کپ کوالیفائر کے لیے تیاری کر رہی پاکستان ویمن ٹیم کے کیمپ کا دورہ کیا۔اس دوران، محسن نقوی نے کھلاڑیوں کی تیاریوں کا جائزہ لیا اور خواتین کھلاڑیوں کے پریکٹس سیشن کو بھی دیکھا۔ انہوں نے تربیتی کیمپ میں پلیئرز سے ملاقات کی اور ان سے گفتگو کرتے ہوئے کہا کہ انہیں امید ہے کہ کھلاڑی کوالیفائر میں فائٹنگ اسپرٹ کے ساتھ بہتر کھیل کا مظاہرہ کریں گی۔