کوئٹہ سے اندرونِ ملک ٹرین سروس 2 ہفتے سے معطل، عید پر مسافروں کو پریشانی

کوئٹہ ( اباسین خبر)کوئٹہ سے اندرونِ ملک کے لیے ٹرین سروس دو ہفتوں سے معطل ہے۔ ریلوے حکام کے مطابق جعفر ایکسپریس (پشاور کے لیے) اور بولان میل (کراچی کے لیے) کی سروس بحال نہیں ہو سکی ہے۔ٹرین سروس کی معطلی کے باعث عید کے موقع پر اندرونِ ملک جانے والوں کو شدید پریشانی کا سامنا ہے۔ حکام کے مطابق ٹرین سروس سیکیورٹی کلیئرنس کے بعد بحال کی جائے گی۔ یہ سروس 11 مارچ کو بلوچستان کے ضلع کچھی میں جعفر ایکسپریس پر حملے کے بعد سے معطل ہے۔