4
اسلام آباد( مانیٹرنگ ڈیسک) سپیس ایکس اور ٹیسلا کے بانی ایلون مسک کی سٹارلنک انٹرنیٹ سروس کے پاکستان میں آپریشنز کے حوالے سے اہم پیشرفت ہوئی ہے۔ وزیرِ اعظم کی ہدایت پر پاکستان سپیس ایکٹیویٹی ریگولیٹری بورڈ نے سٹارلنک کو این او سی جاری کرنے کی منظوری دے دی ہے۔اس پیشرفت کے بعد سٹارلنک کو پاکستان ٹیلی کمیونیکیشن اتھارٹی (پی ٹی اے) کی جانب سے لائسنس جاری کرنے کی راہ ہموار ہوگئی ہے۔ پی ٹی اے کو لائسنس جاری کرنے میں زیادہ سے زیادہ 4 ہفتے لگ سکتے ہیں۔ پی ٹی اے سٹارلنک کو رجسٹریشن سرٹیفکیٹ بھی جاری کرے گا۔ذرائع کے مطابق، سٹارلنک کو لائسنس ملنے کے بعد پاکستان میں آپریٹ کرنے کے لیے کم سے کم ایک سال کا وقت درکار ہوگا۔ سیٹلائٹ سروس پرووائیڈر کو سپیس ایکٹیویٹی ریگولیٹری بورڈ سے کلیئر کرانا لازمی شرط تھا۔
