6
اسلام آباد( کامرس ڈیسک)پی آئی اے ہولڈنگ کمپنی کے بورڈ آف ڈائریکٹرز کا اہم اجلاس کل 24 مارچ کو طلب کر لیا گیا ہے۔ اجلاس میں مختلف اہم امور پر غور کیا جائے گا، جن میں جون 2024 کی شش ماہی آڈٹ رپورٹ کی منظوری، قومی ائیرلائن کی نجکاری کے نئے مسودے اور اہداف شامل ہیں۔اس کے علاوہ، اجلاس میں یورپ کے بعد برطانیہ کے فلائٹ آپریشن کی بحالی کے متعلق بھی جائزہ لیا جائے گا، اور برطانیہ کے فلائٹ آپریشن کی تیاریوں کا بھی جائزہ لیا جائے گا۔پی آئی اے کی ملکی اور بیرون ملک پراپرٹیز کے حوالے سے بھی بورڈ ارکان کو انتظامیہ کی طرف سے بریفنگ دی جائے گی۔ ذرائع کے مطابق پی آئی اے کے آپریشنل بیڑے سمیت دیگر معاملات پر بھی بورڈ اجلاس میں تفصیل سے غور ہوگا۔
