علی امین گنڈا پورگزشتہ 4 دن سے اسلام آباد میں قیام پذیر

اسلام آباد( اباسین خبر)وزیراعلی خیبرپختونخوا علی امین گنڈاپور نے اسلام آباد میں اپنا قیام طویل کر لیا ہے۔ذرائع کے مطابق وزیراعلی کے پی گزشتہ 4 دن سے اسلام آباد میں قیام پذیر ہیں اور وہ پی ٹی آئی کے بانء عمران خان سے ملاقات کر کے ہدایات لینا چاہتے ہیں۔ علی امین گنڈاپور عمران خان کو اپنی کارکردگی سے آگاہ کریں گے اور مختلف پالیسیز پر گائیڈ لائنز لیں گے۔ وہ کچھ اہم فیصلوں پر بانی پی ٹی آئی سے مشاورت بھی کریں گے۔وزیراعلی کے ترجمان فراز مغل نے جیو نیوز سے گفتگو کرتے ہوئے کہا کہ “وزیراعلی بانء پی ٹی آئی کی مشاورت سے اہم فیصلے کرتے ہیں اور اس ملاقات کے لیے عدالت سے بھی رجوع کیا ہے۔” انہوں نے مزید کہا کہ “وزیراعلی کے پاس کسی بھی جیل کا دورہ کرنے کا اختیار ہے، اور امید ہے کہ جلد علی امین گنڈاپور کی عمران خان سے ملاقات ہو جائے گی۔