5
کوئٹہ( اباسین خبر) وفاقی وزیر ریلوے حنیف عباسی نے چیئرمین مظہر علی شاہ اور سی ای او ریلوے امیر بلوچ کے ہمراہ کوئٹہ ریلوے سٹیشن کا دورہ کیا اور جعفر ایکسپریس پر حملے سے متاثرہ بوگیوں کا معائنہ کیا۔دوسری جانب، کوئٹہ سے اندرون ملک جانے والی ٹرین سروس 15 ویں روز بھی معطل ہے۔ ریلوے حکام کا کہنا ہے کہ سکیورٹی کلیئرنس نہ ملنے کی وجہ سے ٹرین سروس معطل رکھی گئی ہے۔ یاد رہے کہ 11 مارچ کو بولان میں جعفر ایکسپریس پر دہشت گردوں کے حملے کے بعد ٹرین سروس کو معطل کر دیا گیا تھا۔
