3
ممبئی (شو بز ڈیسک)بالی ووڈ کے معروف اداکار، ہدایتکار اور پروڈیوسر اجے دیوگن کی فلم آزاد کا ٹریلر جاری کر دیا گیا ہے۔ بھارتی میڈیا کے مطابق اس فلم میں اجے دیوگن مرکزی کردار ادا کرتے نظر آئیں گے، جبکہ روینہ ٹنڈن کی بیٹی راشا تھڈانی اور اجے دیوگن کے بھانجے امان دیوگن اس فلم کے ذریعے بالی ووڈ میں اپنے کیریئر کا آغاز کر رہے ہیں۔فلم ایکشن اور تھرلر سے بھرپور ہے اور اس کا سنسنی خیز ٹریلر بھی ریلیز کر دیا گیا ہے، جس میں اداکارہ ڈیانا پینٹی بھی نظر آ رہی ہیں۔ فلم کی کہانی برصغیر میں انگریزوں کے قبضے اور ہندوں کے حالات کے گرد گھومتی ہے، جس میں اجے دیوگن ایک ڈاکو کا کردار ادا کر رہے ہیں جو کہ باغی بن چکا ہے۔فلم آزاد 17 جنوری کو بھارت سمیت دنیا کے کئی سنیما گھروں میں نمائش کے لیے پیش کی جائے گی۔
