وہ اسمارٹ فون جسے ایک بار چارج کرنے کے بعد 6 ماہ تک چارجر کی ضرورت نہیں ہوگی

کیلیفورنیا( مانیٹرنگ ڈیسک)ایک نیا اسمارٹ فون سامنے آیا ہے جس کی بیٹری کی طاقت اتنی زیادہ ہے کہ اسے روزانہ یا ہفتے میں ایک بار نہیں، بلکہ مہینے میں صرف ایک بار چارج کرنا ضروری ہے۔ اس فون میں 33,000 ایم اے ایچ کی بیٹری لگی ہوئی ہے، جو اسے اب تک کا سب سے طاقتور فون بناتی ہے۔اس فون کا نام ڈبلیو پی 100 ٹائٹن ہے، اور اس کی بیٹری کی بدولت آپ روزانہ کے استعمال کے باوجود اسے دو سے تین ماہ تک چارج کیے بغیر استعمال کرسکتے ہیں۔ اگر آپ فون کو بالکل استعمال نہ کریں تو اسے چھ ماہ تک دوبارہ چارج کرنے کی ضرورت نہیں ہوگی۔اس فون کی خصوصیات میں 66 واٹ فاسٹ چارجنگ سپورٹ شامل ہے تاکہ بیٹری کو جلدی چارج کیا جا سکے، اور اس کا اسٹینڈ بائی ٹائم چھ ماہ تک ہے۔ اس کے علاوہ، اس میں 1200 لیومن کمپنگ لائٹ بھی موجود ہے، جو رات میں روشنی فراہم کرتی ہے۔ اس میں 100 لیومن 120 ہرٹز ڈی پی ایل پراجیکٹر بھی دیا گیا ہے، جو فلمیں دیکھنے کے لیے ایک اچھا آپشن ہے۔کمپنی نے اس فون کی مزید تفصیلات ابھی تک نہیں بتائیں، لیکن اسے 2025 میں لاس ویگاس میں ہونے والی کنزیومر الیکٹرونکس شو (سی ای ایس) میں مزید تفصیل سے پیش کیا جائے گا۔ اس فون کی متعارف کرانے کی تاریخ 2025 کے فروری میں ہوگی، اور ابتدائی طور پر یہ کک اسٹارٹر کمپین کے ذریعے کچھ افراد کو دستیاب ہوگا۔