راشد خان کی تباہ کن بولنگ، افغانستان نے زمبابوے کیخلاف ٹیسٹ سیریز جیت لی

بلاوائیو( سپورٹس ڈیسک)افغانستان نے دوسرے ٹیسٹ میچ میں زمبابوے کو 72 رنز سے شکست دے کر سیریز 0-1 سے اپنے نام کر لی۔راشد خان کی شاندار بولنگ کی بدولت افغانستان نے زمبابوے کو دوسرے ٹیسٹ میں شکست دی۔ راشد خان نے دوسری اننگز میں 7 کھلاڑیوں کو پویلین کی راہ دکھائی، جبکہ پہلی اننگز میں بھی انہوں نے 4 وکٹیں حاصل کیں۔دوسرے ٹیسٹ کی پہلی اننگز میں افغان ٹیم 157 رنز پر آٹ ہوئی، جبکہ زمبابوے نے اپنی پہلی اننگز میں 243 رنز بنائے۔ افغانستان نے 86 رنز کے خسارے سے دوسری اننگز کا آغاز کیا اور 363 رنز اسکور کیے۔زمبابوے کو جیت کے لیے 278 رنز کا ہدف ملا، لیکن پوری ٹیم 205 رنز پر آٹ ہو گئی۔راشد خان کو شاندار پرفارمنس پر مین آف دی میچ قرار دیا گیا، جبکہ رحمت شاہ کو 392 رنز بنانے پر سیریز کے بہترین کھلاڑی کا اعزاز ملا۔یاد رہے کہ دونوں ٹیموں کے درمیان سیریز کا پہلا میچ ڈرا ہو گیا تھا، اور اس سے قبل افغانستان نے ون ڈے اور ٹی ٹوئنٹی سیریز میں بھی کامیابی حاصل کی تھی۔