1
لندن( مانیٹرنگ ڈیسک)برطانیہ بھر میں شدید برفباری سے نظام زندگی مفلوج ہوگیا۔برفباری کے باعث مانچسٹر اور لیور پول سمیت کئی ہوائی اڈے بند ہوگئے، متعدد علاقوں میں بجلی غائب ہوگئی اور ٹرین سروس بھی متاثر ہوئی۔ سڑکوں پر برف کی موٹی تہہ جمی ہوئی ہے، اور مختلف علاقوں میں ایک فٹ تک برف پڑ چکی ہے۔امریکا کی کئی ریاستوں میں بھی شدید برفباری اور طوفان کا ہائی الرٹ جاری کیا گیا ہے، جبکہ کینٹکی، ورجینیا، کنساس، آرکنساس اور میسوری میں ہنگامی حالت کا اعلان کردیا گیا۔ وسطی امریکا میں شروع ہونے والا طوفان اگلے 2 روز میں مشرق کی طرف بڑھے گا۔
