لاہور میں پی ایس ایل 10 کی تشہیری مہم کا آغاز، شہر کو سجانے کا عمل شروع

لاہور( سپورٹس ڈیسک)صوبائی دارالحکومت لاہور میں 11 اپریل سے شروع ہونے والی پاکستان سپر لیگ (پی ایس ایل) 10 کی تشہیری مہم کا آغاز کر دیا گیا ہے۔لاہور کے علاقے گلبرگ میں مین بلیوارڈ اور لبرٹی مارکیٹ چوک کو پی ایس ایل کی ٹیموں کے ناموں سے سجایا گیا ہے، جس سے شہر کا منظر مزید جاذب نظر بن گیا ہے۔اس کے علاوہ، دیوہیکل پی ایس ایل ایکس کا اضافہ بھی شائقین کی توجہ کا مرکز بن چکا ہے۔ مین بلیوارڈ پر رنگ برنگی روشنیوں نے ماحول کو جگمگا دیا ہے، اور شہری بڑی تعداد میں ان سجاوٹوں کے ساتھ تصویریں بنا رہے ہیں۔واضح رہے کہ پی ایس ایل سیزن 10 کا آغاز 11 اپریل سے ہوگا اور یہ ایونٹ 18 مئی تک کراچی، لاہور، ملتان اور راولپنڈی میں منعقد ہوگا۔