ناسا نے زمین سے ٹکرانے والے سیارچے 2024 YR4 کے چاند سے ٹکرانے کے امکانات میں اضافہ کر دیا

نیو یارک (مانیٹرنگ ڈیسک)ناسا نے اعلان کیا ہے کہ ایک سیارچہ جس کا حجم 10 منزلہ عمارت کے برابر ہے اور جو پہلے زمین سے ٹکرانے کے امکانات ظاہر کر رہا تھا، اب اس کے چاند سے ٹکرانے کے زیادہ امکانات ہیں۔ناسا کے ماہرین اور دنیا بھر میں سیاروں سے دفاع کرنے والی کمیونٹی نے پہلے پیش گوئی کی تھی کہ سیارچہ 2024 YR4 جو 174-220 فٹ سائز کا ہے، 2032 میں زمین سے ٹکرا سکتا ہے۔ تاہم، اب یہ کہا گیا ہے کہ اس کا زمین سے ٹکرانے کا امکان صفر کے قریب کم ہو چکا ہے۔فروری کے آخر تک ناسا نے اس کے زمین سے ٹکرانے کے خطرے کو تقریبا مکمل طور پر ختم کر دیا تھا۔ناسا کی ٹیم کا کہنا ہے کہ اب 2024 YR4 کے 2032 میں چاند سے ٹکرانے کے امکانات 1.7% سے 3.8% تک بڑھ چکے ہیں، اور یہ اندازہ جیمز ویب اسپیس ٹیلی اسکوپ اور زمینی دوربینوں سے حاصل کردہ مشاہدات پر مبنی ہے۔ناسا نے یہ بھی واضح کیا کہ اگرچہ اس سیارچے کے چاند سے ٹکرانے کا امکان موجود ہے، مگر یہ چاند کے مدار کو تبدیل نہیں کرے گا۔