بلوچ یکجہتی کمیٹی کی رہنمائوں کی گرفتاریوں کے خلاف بی این پی کا خضدار سے کوئٹہ تک لانگ مارچ جاری

کو ئٹہ ( اباسین خبر)بلوچستان نیشنل پارٹی (بی این پی) کی جانب سے بلوچ یکجہتی کمیٹی کے رہنمائوں ماہرنگ بلوچ اور سمی دین بلوچ سمیت دیگر رہنماں کی گرفتاریوں کے خلاف خضدار سے کوئٹہ تک لانگ مارچ جاری ہے۔بی این پی کے مرکزی رہنما آغا حسن بلوچ نے بتایا کہ پارٹی سربراہ سردار اختر مینگل کی قیادت میں گزشتہ روز خضدار سے مارچ کا آغاز کیا گیا، جس کا مقصد بی وائی سی کے رہنمائوں کی رہائی کے حق میں آواز بلند کرنا ہے۔مارچ کے شرکا قلات اور سوراب سے ہوتے ہوئے مستونگ پہنچے، تاہم ان کا دعوی ہے کہ لک پاس کے قریب رکاوٹیں کھڑی کر کے انہیں کوئٹہ جانے سے روک دیا گیا ہے۔