پشاور( اباسین خبر)خیبر پختونخوا کے مختلف علاقوں میں سکیورٹی فورسز کی کارروائیوں کے دوران 11 خوارج دہشت گرد ہلاک ہو گئے۔آئی ایس پی آر کے مطابق سکیورٹی فورسز نے شمالی وزیرستان کے علاقے میر علی میں خفیہ اطلاعات پر کارروائی کی جس کے دوران پانچ دہشت گرد ہلاک ہوئے۔ اس کے علاوہ، میر علی میں ایک اور کارروائی میں تین مزید خوارج مارے گئے۔آئی ایس پی آر کا کہنا ہے کہ سکیورٹی فورسز نے میرانشاہ میں بھی آپریشن کیا جس کے نتیجے میں دو خوارج ہلاک ہوئے۔ مزید براں، ڈیرہ اسماعیل خان کے علاقے درابن میں بھی ایک کارروائی کی گئی، جس میں ایک دہشت گرد مارا گیا۔آپریشن کے دوران ہلاک ہونے والے دہشت گردوں سے ہتھیار اور گولہ بارود بھی برآمد کیا گیا۔آئی ایس پی آر نے بتایا کہ ہلاک دہشت گرد دہشت گردی کی مختلف کارروائیوں میں ملوث تھے، اور علاقے میں موجود دیگر دہشت گردوں کے خلاف کلیئرنس آپریشن جاری ہے۔ سکیورٹی فورسز ملک میں دہشت گردی کی لعنت کے خاتمے کے لیے پرعزم ہیں۔
خیبر پختونخوا: سکیورٹی فورسز کی کارروائیوں میں 11 دہشت گرد ہلاک
11
