نئی دہلی ( مانیٹرنگ ڈیسک)بھارتی ریاست اترپردیش کے شہر میرٹھ میں ہندو انتہا پسند حکومت نے مسلمانوں کے لیے عید کی نماز ادا کرنا بھی مشکل بنا دیا۔ بھارتی میڈیا کے مطابق، میرٹھ پولیس نے مسلمانوں کو کھلی جگہوں پر عید کی نماز پڑھنے سے روک دیا اور دھمکی دی کہ اگر کسی شخص نے عوامی مقام یا سڑک پر نماز عید ادا کی تو ان کے پاسپورٹ اور ڈرائیونگ لائسنس منسوخ کر دیے جائیں گے۔پولیس کے مطابق، اگر کوئی شخص سڑک پر عید کی نماز پڑھتا ہوا پایا گیا تو اس کے خلاف ایف آئی آر درج کی جائے گی۔ پولیس نے مسلمانوں کو صرف مساجد میں نماز عید ادا کرنے کی ہدایت کی اور خلاف ورزی کی صورت میں مزید سخت قانونی کارروائی کرنے کا عندیہ دیا۔یاد رہے کہ گزشتہ سال میرٹھ میں سڑک پر نماز عید ادا کرنے والے 200 افراد کے خلاف مقدمات درج کیے گئے تھے اور 80 افراد کی شناخت کرکے کارروائی کی گئی تھی۔
بھارت میں مسلمانوں کے لیے عید کی نماز ادا کرنا مشکل، میرٹھ پولیس کی جانب سے دھمکیاں
5
