خوشحال ازدواجی زندگی کی تفصیل،فیروز خان نے اہلیہ ڈاکٹر زینب سے ملاقات کی کہانی سنائی دی

کراچی ( شوبز ڈیسک)پاکستانی ٹیلی ویژن اور فلمی اداکار فیروز خان، جو کہ خانی، عشقیہ، خدا اور محبت، رومیو ویڈز ہیر اور حبس جیسے ہٹ ڈراموں میں اپنی بہترین اداکاری کی وجہ سے مشہور ہیں، نے حال ہی میں برطانیہ میں ایک ایوارڈ تقریب کے بعد میڈیا سے بات کی اور اپنی ازدواجی زندگی کے بارے میں دلچسپ انکشافات کیے۔فیروز خان نے اپنی ملاقات کی کہانی شیئر کرتے ہوئے بتایا کہ “زینب میری ڈاکٹر تھیں، وہ میرے دل کی ڈاکٹر (تھراپسٹ) تھیں اور اب وہ میرے بلوں کی ڈاکٹر ہیں۔” اداکار نے مزید کہا، “زینب ایک خوبصورت لڑکی ہے، ماشااللہ، اور میں بہت خوش ہوں کہ اللہ نے مجھے اتنا خوبصورت ساتھی دیا ہے، وہ ہمیشہ میرے ساتھ اچھے اور برے وقت میں کھڑی رہتی ہیں۔”یاد رہے کہ فیروز خان کی پہلی شادی سیدہ علیزہ سے ہوئی تھی، جس سے ان کے دو بچے ہیں، لیکن کچھ عرصے بعد دونوں نے علیحدگی اختیار کرلی تھی۔ فیروز خان اب ڈاکٹر زینب کے ساتھ خوشحال ازدواجی زندگی گزار رہے ہیں۔فیروز خان کے مداح ان کی خوشحال زندگی پر خوش ہیں اور انہیں نیک خواہشات کا اظہار کر رہے ہیں، تاہم کچھ سوشل میڈیا صارفین انہیں ان کے بیانات پر ٹرول بھی کر رہے ہیں۔