پاکستان ٹیم مینجمنٹ کا بڑا فیصلہ، حارث رف اور عثمان خان کو ون ڈے اسکواڈ میں شامل کر لیا

لاہور( سپورٹس ڈیسک)پاکستان ٹیم مینجمنٹ نے فاسٹ بولر حارث رف اور وکٹ کیپر بیٹر عثمان خان کو نیوزی لینڈ میں رکنے کی ہدایت دیتے ہوئے انہیں قومی ون ڈے اسکواڈ میں شامل کر لیا ہے۔ یہ دونوں کھلاڑی پہلے صرف ٹی ٹوئنٹی اسکواڈ کا حصہ تھے۔ٹی ٹوئنٹی سیریز مکمل ہونے کے بعد پاکستان کے کھلاڑی اور کوچنگ اسٹاف نیوزی لینڈ کے شہر ولینگٹن سے نیپئر روانہ ہوئے، جہاں فاسٹ بولر حارث رف اور عثمان خان نے ون ڈے اسکواڈ کو جوائن کر لیا۔نیپئر پہنچنے والے کھلاڑیوں میں سلمان علی آغا، حارث رف، خوشدل شاہ، عرفان خان نیازی، ابرار احمد، سفیان مقیم، محمد علی اور عثمان خان شامل ہیں۔ اس کے علاوہ، کپتان محمد رضوان، بابر اعظم سمیت 9 کھلاڑی پہلے ہی نیپئر میں موجود ہیں۔پاکستان کے 8 کھلاڑی جن میں شاداب خان، شاہین آفریدی، عمیر بن یوسف، حسن نواز، محمد حارث، عباس آفریدی، عبدالصمد اور جہانداد خان شامل ہیں، نیوزی لینڈ سے براستہ دبئی پاکستان واپس روانہ ہوں گے۔پاکستان اور نیوزی لینڈ کے درمیان تین میچز پر مشتمل ون ڈے سیریز 29 مارچ سے شروع ہو گی۔