جنوبی کوریا کی تاریخ کی سب سے بڑی جنگلاتی آگ سے 26 افراد ہلاکت، ہزاروں افراد نقل مکانی پر مجبور

جنوبی کوریا ( مانیٹرنگ ڈیسک)جنوبی کوریا میں تاریخ کی سب سے بڑی جنگلاتی آگ سے ہلاکتوں کی تعداد 26 ہو گئی۔غیر ملکی میڈیا کی رپورٹس کے مطابق، جنوبی کوریا کے جنوب مشرقی علاقے میں ہفتے کے آخر میں لگنے والی جنگلاتی آگ نے وسیع علاقے کو اپنی لپیٹ میں لے لیا۔ حکام کے مطابق، اس آگ نے تقریبا 35,810 ایکڑ رقبہ جلایا، جو کہ 2000 میں مشرقی ساحلی آگ سے بھی زیادہ ہے۔آگ کے باعث 27 ہزار افراد کو فورا نقل مکانی پر مجبور ہونا پڑا اور سڑکیں بند ہونے کے ساتھ ساتھ مواصلاتی نظام بھی درہم برہم ہو گیا۔ہلاک ہونے والوں میں مقامی افراد کے علاوہ 3 فائر فائٹرز اور ایک ہیلی کاپٹر پائلٹ بھی شامل ہیں۔